O vindeiro sábado, 13 de maio, ás 11:30 horas, terá lugar a inauguración do centro de día para maiores ubicado na rúa Ourense número 25 do Carballiño.
Un acto no que se darán a coñecer as instalacións do centro, que ocupan una superficie de 1.500 metros cadrados, así como a carteira de servizos que ofrece este centro de día promovido pola empresa privada GESMEDICAL.
Enfermeiría, podoloxía, perruquería, dietética e nutrición, comedor, sala polivalente para a realización de xogos de estimulación e área especializada para enfermos de alzheimer, son so algún dos servizos e espazos que poden desfrutar os usuarios deste centro de día para maiores con capacidade inicial para 65 personas.
Ao acto de inauguración asistirán representantes da Xunta de Galicia, da Deputación Provincial, dos concellos da comarca do Carballiño – Ribeiro, así como de empresas privadas.
O acto de inauguración está aberto á participación de todas aquelas persoas que desexen coñecer o centro.
Acto: Inauguración Centro de Día
Data e hora: sábado, 13 de maio ás 11:30 horas
Lugar: Rúa de Ourense nº 25 O Carballiño – Ourense