CIG Citroen
nAs centrais sindicais explican o aumento da afiliación nas xornadas fragmentadas
nOs sindicatos insisten en que os postos de traballo estables e a xornada completa substitúense agora por empregos de media xornada ou por horas, principalmente no sector servizos, tal e como apunta Xesús Anxo López Pintos, coportavoz comarcal da CIG Ferrol. Insiste en que tamén hai moitas persoas que quedaron sen emprego que optan por darse de alta como autónomo debido a que non atopan outras saídas laborais. Ao mesmo tempo, afirma que de novo volven realizarse contratos a través de empresas de traballo temporal.
nn n n n
Tamén coinciden coa precarización do mercado de traballo e a excesiva temporalidade Auri Vázquez e Cesáreo Fraga, secretarios comarcais de CC.OO. e UGT, respectivamente. Vázquez considera que a diminución do paro vén dada en gran parte porque os demandantes que xa non cobran prestación optan por borrarse das listaxes e tamén incide en que continúa marchándose moita poboación nova á procura dun emprego.
nFraga sumar ao resto de axentes sociais no diagnóstico das estatística, que mostra tamén un leve aumento do número de autónomos nas tres comarcas.
nServizos
nAínda que as cifras do paro indican que nos últimos meses a industria e a construción melloraron as súas posicións, continúa sendo o sector servizos o que concentra o maior número de empregos. Inclúe algúns subsegmentos de actividade nos que adoitan xeneralizarse os empregos temporais e por horas, como sucede coa hostalería ou as empresas de limpeza.
n
